Áverki á dauðum hesti ekki skotsár líkt og talið var

Þetta kemur fram í tilkynningu frá lögreglunni á Austurlandi, en þar kemur fram að henni hafi borist ábendingu um hestshræið síðastliðinn sunnudag, 22. október.

Dýralæknir á vegum MAST og lögregla rannsökuðu vettvanginn og dýrið, en tekið er fram að sýni hafi verið tekin og þau verði rannsökuð frekar. Á meðal þess sem verður rannsakað er hvort dýrið hafi verið skotið.

Bráðabirgðaniðurstaða dýralæknis liggur nú fyrir, en í henni segir að ekki séu líkur á því að um skotáverka sé að ræða.