Kvöld­fréttir Stöðvar 2

Sjö ára drengur þarf að bíða í allt að þrjú ár eftir komast að í einhverfugreiningu. Móðir hans hefur áhyggjur af því að hann fái greininguna of seint og segir marga foreldra í sömu sporum vera að bugast.

Fjöldi fólks varði þessum fallega degi í Bláfjöllum enda sólríkt og vorlegt um að litast. Gestir renndu sér niður hlíðarnar með einstakt útsýni yfir svæðið og var barnabrekkan sérstaklega vel sótt. 

Þjóðgarðsvörður á Þingvöllum segist hlakka til sumarsins því reiknað er með met fjölda ferðamanna í heimsókn. Það kæmi þjóðgarðsverði ekki á óvart ef allt upp í tíu þúsund manns muni ganga niður í Almannagjá á hverjum degi í ljósi mikils fjölda skemmtiferðaskipa. 

Þetta og margt fleira á samtengdum rásum Bylgjunnar og Stöðvar 2.