Innlent

Rannsaka tildrög þess að skipverjinn féll útbyrðis

Fanndís Birna Logadóttir skrifar
Leitað var að manninum eftir að mannlaus bátur strandaði við Engey.
Leitað var að manninum eftir að mannlaus bátur strandaði við Engey. Vísir/Vilhelm

Lögreglan á höfuðborgarsvæðinu telur að karlmaður sem fannst látinn í sjónum við Sólfarið í Reykjavík í dag hafi verið um borð í bátnum sem fannst í fjörunni í Engey nokkru áður. Þetta kemur fram í tilkynningu frá lögreglunni.

Maðurinn er talinn hafa verið einn á ferð en ekki er vitað um tildrög þess að hann féll útbyrðis. Málið er nú til rannsóknar.

Landhelgisgæslan greindi frá því fyrr í dag að stjórnstöð hafi borist ábending um að bátur væri hugsanlega strandaður við Engey. Í fyrstu var talið hugsanlegt að einn væri um borð en þegar björgunarskip á vegum Slysavarnafélagsins Landsbjargar kom á staðinn var báturinn mannlaus.

Landhelgisgæslan boðaði í kjölfarið til leitaraðgerða með þyrlu Gæslunnar og öllum tiltækum sjóbjörgunarsveitum á höfuðborgarsvæðinu. Klukkan 13:50 tilkynnti Landhelgisgæslan að skipverjinn sem leitað var að væri fundinn og leit lokið.

Lögreglumál Reykjavík Sjávarútvegur

Tengdar fréttir

Líkfundur við Sólfarið

Karlmaður fannst látinn í sjónum við Sólfarið í Reykjavík um hálftvöleytið í dag. Umfangsmikil leit hafði þá staðið yfir eftir að mannlaus bátur fannst í fjörunni í Engey á ellefta tímanum í morgun.

Mest lesið


Fleiri fréttir

Sjá meira


×

Mest lesið