Njarð­vík sagði upp samningi við Smit

Smit hefur spilað með sex liðum hér á landi eftir að hann kom fyrst til Leiknis árið 2020, þá 24 ára gamall, en áður var hann á mála hjá NEC og FC Eindhoven í heimalandinu.

Hann elti þjálfarann Davíð Smára Lamude til Njarðvíkur fyrir síðasta tímabil, eftir að þeir höfðu orðið bikarmeistarar með Vestra í fyrra, og lék alla leiki Njarðvíkur í sumar. Liðið komst í umspil um sæti í Bestu deildinni en tapaði þar gegn Þrótti í undanúrslitum.

Davíð Smári hætti sem þjálfari Njarðvíkur á dögunum og er nú orðaður við Gróttu og nú er Smit samningslaus.

Auk þess að spila með Njarðvík, Vestra og Leikni hefur Smit varið mark KR, ÍBV og Vals hér á landi.