Al­var­lega slasaður eftir fall af svölum

Rúv greindi fyrst frá en Ari Magnús Benediktsson, framkvæmdastjóri Nestaks, segir við Vísi að starfmaðurinn hafi fallið við vinnu á þriðjudagsmorgni og slasast alvarlega.

Kristján Ólafur Guðnason, yfirlögregluþjónn á Austurlandi, segir í samtali við Vísi að slysið hafi orðið á byggingarsvæði þar sem maðurinn hafi fallið af svölum um eina og hálfa hæð. 

Kristján segir að starfsmaðurinn sé talsvert slasaður, hafi meðal annars hlotið beinbrot, en sé ekki í lífshættu.

Lögregluþjónninn segir að slysið hafi orðið á byggingarsvæði. Á annan tug starfsmanna vinna hjá Nestak. 

Slysið er nú til rannsóknar hjá lögreglu og Vinnueftirlitinu, að sögn Kristjáns.