Lægð upp að landinu og önnur dýpri á morgun

Þetta kemur fram í hugleiðingum veðurfræðings á Veðurstofu Íslands. Á morgun miðvikudag er önnur lægð í farvatninu, heldur krappari og dýpri en lægð dagsins en sú kemur einkum við sögu á fimmtudag. Þegar lægðin nálgast nálgast gerir allhvassa eða hvassa austanátt með rigningu, einkum sunnan- og vestantil og má reikna með úrhelli suðaustan til.

Vindur nær stormstyrk um tíma í fyrramálið, einkum undir Eyjafjöllum, í Mýrdal og Öræfum, sem getur skapað varasamar aðstæður fyrir ökutæki sem taka á sig mikinn vind. Dregur síðan úr vindi og styttir upp, en hvessir aftur og rignir annað kvöld. Fremur hlýtt í veðri næstu daga, yfirleitt á bilinu 10 til 15 stig.

Á fimmtudag nær seinni lægðin landi og gengur þá í sunnanhvassviðri, jafnvel storm, með talsverðri rigningu á sunnanverðu landinu. Bjart með köflum fyrir norðan og þurrt að mestu og áframhaldandi hlýindi um land allt.

Veðurhorfur á landinu næstu daga:

Á miðvikudag:

Austan og suðaustan 10-15 m/s, en 15-20 syðst á landinu framan af degi. Hvessir aftur sunnanlands um kvöldið. Víða rigning, en talsverð úrkoma á Suðausturlandi og Austfjörðum. Hiti 8 til 15 stig.

Á fimmtudag:

Suðaustlæg átt, 15-23 m/s, en suðlægari átt, 10-18 uppúr hádegi. Rigning með köflum, talsverð eða mikil úrkoma sunnan- og austantil, en lengst af þurrt á Norðausturlandi. Hiti víða 9 til 14 stig.

Á föstudag:

Suðlæg átt, 8-15 m/s, en hægari seinnipartinn. Víða skúrir, einkum sunnan- og vestantil og hiti 5 til 10 stig.

Á laugardag:

Sunnanátt með rigningu, en suðvestlægari með skúrum seinnipartinn og styttir upp austanlands. Áfram milt veður.

Á sunnudag:

Suðvestanátt og skúrir eða dálítil rigning, en þurrt að mestu norðaustanlands. Heldur kólnandi veður.

Á mánudag:

Útlit fyrir norðanátt með rigningu, jafnvel slyddu á norðanverðu landinu, en suðvestlægari og rigning með köflum syðra og fremur svalt í veðri.