Gera hlé á veitingu verð­tryggðra íbúðalána

Að sögn Arion banka eru skilmálar þeirra er varða íbúðalán með breytilega vexti ólíkir þeim sem voru til umfjöllunar í dómi Hæstaréttar en dómstólinn muni síðar taka fyrir mál sem snýr að láni Arion banka með breytilegum verðtryggðum vöxtum. Landsréttur hafi dæmt bankanum í vil í febrúar en óvissa ríki um lögmæti vaxtabreytingarskilmála verðtryggðra lána.

Í ljósi þessa hafa stjórnendur Arion tekið ákvörðun um að gera hlé á veitingu verðtryggðra lána, bæði þeim með föstum og breytilegum vöxtum. Metið verði hvort hægt sé að bjóða upp á bráðabirgða lausn þar til óvissu um lögmæti skilmálanna hafi verið eytt.

Greint er frá þessu í tilkynningu frá bankanum sem bendir á að óverðtryggð lán verði áfram í boði.

Fréttin er í vinnslu.