Viðskipti innlent

Heið­rún Lind kaupir í Sýn

Kolbeinn Tumi Daðason skrifar
Heiðrún Lind er fimmti tengdi aðilinn sem kaupir bréf hjá Sýn á skömmum tíma.
Heiðrún Lind er fimmti tengdi aðilinn sem kaupir bréf hjá Sýn á skömmum tíma. Vísir/Ívar Fannar

Heiðrún Lind Marteinsdóttir, stjórnarmaður í Sýn og framkvæmdastjóri Samtaka fyrirtækja í sjávarútvegi, keypti í fjölmiðla- og fjarskiptafyrirtækinu Sýn fyrir tæplega 56 milljónir króna á föstudaginn.

Heiðrún Lind var kjörin í stjórn Sýnar í vor. Í tilkynningu til Kauphallar vegna viðskipta stjórnenda segir að Heiðrún Lind hafi keypt tvær milljónir hluta á genginu 27,8 krónur á hlut. Kaupverðið er því 55,6 milljónir króna.

Valdís Arnórsdóttir framkvæmdastjóri mannauðs hjá Sýn fjárfesti í fyrirtækinu fyrir tvær milljónir króna í síðustu viku. Herdís Dröfn Fjelsted forstjóri keypti sömuleiðis í fyrirtækinu fyrir rúmlega tíu milljónir króna.

Þá keyptu stjórnarmennirnir Hákon Stefánsson og Ragnar Páll Dyer, framkvæmdastjórar í InfoCapital ehf., í Sýn fyrir rúmar 50 milljónir króna.

Gengi Sýnar fór í 25,2 krónur á hlut í lok ágúst eftir að hafa farið í 33 krónur á hlut í júlí. Gengið stendur í dag í 27 krónum á hlut.

Vísir er í eigu Sýnar.

Sýn Kauphöllin


Mest lesið


Fleiri fréttir

Sjá meira


×

Mest lesið