Flug­vélin ekki flughæf vegna bilunar

Ásgeir Erlendsson upplýsingafulltrúi Landhelgisgæslunnar staðfestir þetta í samtali við fréttastofu en Mbl.is greindi fyrst frá. 

Þrátt fyrir að bilunin sé smávægileg sé hún þess eðlis að ekki sé hægt að fljúga vélinni. 

Hann segir töf hafa orðið á varahlut sem vantaði til þess að hægt yrði að gera við flugvélina, en viðgerðin í sjálfu sér komi til með að taka stuttan tíma. Komi varahluturinn í hús á morgun verði hún að öllum líkindum orðin flughæf fyrir lok dags. 

Landhelgisgæslan hafi ekki fengið beiðni um flug með vélinni meðan á biluninni hefur staðið. Þegar hún verður flughæf á nýjan leik verði hægt að sinna bæði landhelgisgæsluflugi innan lögsögunnar og útköllum.