Fjögurra bíla árekstur á Höfðabakka

Fjögurra bíla árekstur varð á gatnamótum Höfðabakka og Bíldshöfða um klukkan hálf tvö í dag. Einn var fluttur minniháttar slasaður á slysadeild. Samkvæmt upplýsingum frá slökkviliði höfuðborgarsvæðisins var um að ræða aftanákeyrslu sem svo hafði keðjuverkandi áhrif á nærliggjandi bíla.

Tveir dælubílar voru sendir á vettvang til hreinsunarstarfa auk sjúkrabíla. Þá urðu nokkrar tafir á umferð vegna óhappsins en vinna á vettvangi stóð yfir í rúman klukkutíma. Þannig tilkynnti Strætó til að mynda um tafir á ferðum vegna slyssins nú snemma á fjórða tímanum.

En eru tafir og frávik á Höfðabakka vegna umferðarslys og búast má við röskunum á ferðum leiða 6 og 24 þar um og mögulega fleiri leiða. #strætó

— Strætó (@straetobs) September 2, 2019