Hulda nýr formaður FKA

Hulda Ragnheiður Árnadóttir, framkvæmdastjóri Náttúruhamfaratryggingar Íslands, hefur verið kjörin nýr formaður Félags kvenna í atvinnurekstri (FKA).

„Það verður spennandi að takast á við krefjandi verkefni í samstarfi við þær öflugu konur sem gefið hafa kost á sér til starfa í nefndum, deildum og stjórn félagsins. Ég hlakka til að fá tækifæri til að virkja enn fleiri konur til þátttöku, bæði í núverandi verkefnum og þeim verkefnum sem kynnt verða til leiks þegar nýtt starfsár hefst,“ segir Hulda.

Þá voru Sigríður Hrund Pétursdóttir, Ragnheiður Aradóttir og Áslaug Gunnarsdóttir kjörnar í stjórn til tveggja ára og þær Hulda Bjarnadóttir og Margrét Jónsdóttir Njarðvík til eins árs.