Innlent

„Hvað sagðiru, 42? Það er geð­veikt!“

Oddur Ævar Gunnarsson skrifar
Hilmar og Jana voru eðli málsins samkvæmt sátt.
Hilmar og Jana voru eðli málsins samkvæmt sátt.

Hilmar Gunnarsson oddviti Sjálfstæðisflokksins í Mosfellsbæ var himinlifandi þegar fréttamaður Sýnar bar honum tíðindi af fylgisaukningu flokksins í beinni útsendingu. Flokkurinn er með 42,5 prósent fylgi og meirihlutinn fallinn miðað við fyrstu tölur.

„Ég bara sá varla tölurnar,“ sagði Hilmar við Tómas Arnar Þorláksson fréttamann sem hitti á hann í kosningapartýi flokksins auk Jönu Katrínar Knútsdóttir sem er í öðru sæti á lista flokksins.

„Þetta er geggjað. Flokkurinn var í 27 síðast, hvað sagðiru, 42? Það er geðveikt! Ég þarf að sjá þetta betur,“ sagði Hilmar himinlifandi yfir tíðindunum. Jana tók undir, fimm bæjarfulltrúar sé sigur. Hilmar tekur undir.

Klippa: „Það er geðveikt“

Hvað er að skila þessum árangri?

„Við erum bara að uppskera. Uppskeruhátíð í kvöld. Fullt af fólki að leggja hönd á plóg. Sérð þetta fólk hérna, þetta er sturlun.“

Þið hafið verið í minnihluta, væntanlega vongóð um að verða í meirihluta?

„Heldur betur. Þú sérð þetta fylgi. Það er krafa um það.“

Sveitarstjórnarkosningar 2026 Mosfellsbær

Mest lesið


Fleiri fréttir

Sjá meira


×

Mest lesið