Innlent

Tíu manns í á­rekstri á Suður­landi

Agnar Már Másson skrifar
Þyrla og sjóbjörgunarsveit voru kallaðar út vegna leitarinnar.
Þyrla og sjóbjörgunarsveit voru kallaðar út vegna leitarinnar. Landhelgisgæslan

Að minnsta kosti tveir eru slasaðir eftir að tíu manns lentu í umferðarslysi á Biskupstungnabraut norður af Borg í Grímsnesi eftir hádegi í dag, þegar árekstur varð milli smárútu og fólksbíls. Þyrla Landhelgisgæslunnar er á vetvangi og hópslysaáætlun hefur verið virkjuð.

Þorsteinn M. Kristinsson, aðalvarðstjóri á Suðurlandi, segir við Vísi að árekstur hafi orðið milli smárútu og fólksbíls á Biskupstungnabraut rétt sunnan við Laugavatnsveg. Hópslysaáætlun hafi verið virkjuð.

Samtals séu tíu í slysinu og þar af tveir slasaðir. Ekki liggur fyrir hvert hinir slösuðu verða fluttir en til greina kemur að fljúga með þá á Landspítalann í Reykjavík. Óljóst er hvort fleiri verði fluttir.

Veistu meira um málið? Þú getur sent okkur fréttaskot hér eða sent okkur línu á ritstjorn@visir.is.

„Vinna er enn á vettvangi. Hver verður fluttur hvert liggur ekki fyrir. En allar bjargir eru á staðnum; sjúkrabílar, slökkvilið og þyrlan,“ segir Þorsteinn við Vísi.

Tilkynning um slysið barst rétt fyrir klukkan 14 í dag. Þyrla Landhelgisgæslunnar er komin á vettvang, auk sjúkraflutningsmanna og lögreglumanna.

Fréttin verður uppfærð þegar frekari upplýsingar liggja fyrir.

Lögreglumál Grímsnes- og Grafningshreppur

Mest lesið


Fleiri fréttir

Sjá meira


×

Mest lesið