Fjöl­skyldu­faðir þungt haldinn á spítala eftir al­var­lega á­rás á þorra­blóti

Þetta staðfestir Elín Agnes Eide Kristínardóttir, yfirlögregluþjónn hjá rannsóknarsviði lögreglunnar á höfuðborgarsvæðinu, í samtali við fréttastofu en DV greindi fyrst frá málinu. 

Elín segir manninn alvarlega slasaðan en hann sé ekki í lífshættu, samkvæmt upplýsingum lögreglu. Hún segir málið til rannsóknar og vil ekki segja til um það hvort aftur verði farið fram á gæsluvarðhald yfir meintum árásarmanni.

Samkvæmt heimildum fréttastofu er brotaþoli, sem er þriggja barna fjölskyldufaðir, með höfuðáverka og var um tíma talinn í lífshættu. Hann sé nú í hágæslu á Landspítala. Árásin hafi átt sér stað um ellefuleytið föstudagskvöldið 30. janúar á áðurnefndu þorrablóti HK og fjöldi fólks hafi orðið vitni að árásinni.

Fréttin er í vinnslu.