Seinka opnun Vesturbæjarlaugar lítil­lega

„Þetta er bara eins og gengur og gerist oft. Það hafa verið miklar framkvæmdir bæði úti og inni sem hafa verið að vinda upp á sig. En þetta er allt að smella saman,“ segir Anna Kristín Sigurðardóttir forstöðukona Vesturbæjarlaugar í samtali við fréttastofu.  

Vesturbæjarlaug var lokað 26. maí vegna viðhaldsframkvæmda og stóð til að opna aftur 23. júní. Um miðjan júní var opnun seinkað til 15. júlí eftir að í ljós kom að þörf væri á meiri múrviðgerðum en áætlað var. Anna Kristín staðfestir að dyrnar verði opnaðar þann 19. júlí næstkomandi. 

„Vonandi fylgir góða veðrið með.“