Leituðu Sig­ríðar í Elliða­ár­dal

Í Morgunblaðinu kemur fram að björgunarsveitarmenn hafi hafið leit klukkan eitt í Elliðaárdal í gær og að leitin hafi staðið fram á kvöld. Fyrir það hafði leitin að mestu farið fram í Kópavogi en samkvæmt frétt Morgunblaðsins voru nýjar vísbendingar sem beindu leitinni í Elliðaárdal.

Síðast er vitað um ferðir Sigríðar á Digranesheiði í Kópavogi síðdegis föstudaginn 13. júní. Lögreglan hefur beðið þau sem eru með öryggis- og eftirlitsmyndavélar á því svæði og næsta nágrenni þess að hafa samband svo hún geti kannað hvort þar kunni að sjást til ferða Sigríðar eftir fyrrnefndan tíma. Þá eru íbúar í hverfinu/Kópavogi beðnir um að skoða nærumhverfi sitt svo sem geymslur, stigaganga og garðskúra. Þau sem eru í forsvari fyrir auðu húsnæði í hverfinu/Kópavogi eru beðin um að skoða slíka staði.

Sigríður, er um 170 cm á hæð, þéttvaxin, gráhærð með rauðar strípur í axlarsíðu hárinu. Sigríður er í talin vera klædd í gráum þunnum jakka, sem nær að hnjám, með hettu en blómaútsaumuðum ermum. Hún er klædd í svarta skó og með litríka hliðartösku.

Þau sem geta gefið upplýsingar um ferðir Sigríðar eru beðin að hafa samband við lögregluna í síma 112 eða 444 1000 eða með tölvupósti á netfangið abending@lrh.is