Þessir sprotar taka þátt í Startup SuperN­ova í ár

Áslaug Arna Sigurbjörnsdóttir opnaði fjárfestadaginn og lagði í ræðu sinni áherslu á mikilvægi þess að íslensk sprotafyrirtæki skali á alþjóðamarkað. Þau verkefni sem taka þátt í viðskiptahraðalnum í ár eru: FairGame, GrowthApp, The Gyna App, Jarðargreining, Massif.Network, Medvit Health, Neurotic, TAPP, Thorexa og VibEvent.

Í pallborði voru þau Sigurlína Ingvarsdóttir frá Behold Ventures, Sigurður Arnljótsson frá Brunni Ventures og Jón Ingi Bergsteinsson frá IceBAN sem veittu sprotunum endurgjöf eftir fjárfestakynningarnar.

Viðskiptahraðallinn Startup SuperNova er fimm ára í ár og á þeim tíma hafa fimmtíu sprotafyrirtæki farið í gegnum hraðalinn. Í tilkynningu segir að áhersla sé lögð á viðskiptalausnir sem geti skalað á alþjóðamarkað, en umsjón hraðalsins er í höndum KLAK – Icelandic Startups í samstarfi við Nova og Huawei með stuðningi frá Grósku hugmyndahúsi.

Þau verkefni sem taka þátt í viðskiptahraðalnum í ár eru:

FairGame

FairGame er hugbúnaður fyrir íþróttamót barna og unglinga, með FairGame setur setur teymið upplifun barna í fyrsta sæti, með notkun gervigreindar er FairGame þjálfað með niðurstöðum leikja og finnur raunverulegan styrkleika liðana svo börnin okkar fái sanngjarnar áskoranir.

Fyrir mótshaldara sér FairGame til þess að leikir séu skipulagðir á skilvirkan hátt og umbreytir mörgum dögum af áætlanagerð, í nokkrar sekúndur. FairGame Appið gefur foreldrum og forráðamönnum svo allar upplýsingar í rauntíma.

GrowthApp

GrowthApp er einfaldasti og fullkomnasti vaxtarvettvangurinn fyrir sprotafyrirtæki á markaðnum í dag. Nýstárleg verkfæri okkar gera stofnendum í fyrsta skipti kleift að skipuleggja viðskiptahugmyndir sínar hratt í einfaldar framkvæmanlegar áætlanir og sjá skýra leið til árangurs.

JarðarGreining

Jarðargreining sérhæfir sig í að þróa jarðratsjá (e. Ground Penetrating Radar - GPR) mælitæki sem notar rafsegulbylgjur til að nálgast upplýsingar og innri eiginleika efstu metra jarðarinnar án þess að hrófla við yfirborðinu.

Markmið okkar er að auka flytjanleika tækisins svo hægt sé að samþætta það við dróna og gera þessa tækni aðgengilega, hagkvæma og notendavæna svo að fleiri geti notið góðs af henni.

Massif.Network

Markmið Massif Network er að verða helsti vettvangur fyrir framleiðendur og skapandi fagfólk í kvikmyndaiðnaðinum til að finna, skoða og skipuleggja tökur á afskekktum stöðum, og skapa þannig virði fyrir alla sem koma að verkefnunum.

Medvit Health

Medvit Health býr til kerfi fyrir sérfræðinga sem styður heilbrigðisstarfsfólk í greiningarferlinu og meðferð sjúklinga.

Neurotic

Neurotic gerir gagnastjórnun einfalda og skemmtilega. Notendavæni vettvangurinn okkar sér um erfiðu hlutina, svo þú getir einbeitt þér að vinnunni þinni. Með gervigreindarstuðningi og auðveldri samþættingu verður auðvelt að stjórna gögnunum þínum. Burt með gagnakvíða!

TAPP

TAPP er heildstæður vettvangur fyrir gigg-umhverfið. Lausnin er sérsniðin hugbúnaðarlausn sem mun gera verkefnastjórnun og fjárhagslegt utanumhald skilvirkara og koma á opnari og auðveldari samskiptum milli verktaka og verkkaupa. TAPP einfaldar samningsgerð, tímaskráningu, sjálfvirknivæðir reikningagerð, býður upp á starfatorg og eykur aðgengi að raunstöðu verkefna.

Thorexa

Thorexa hannar hugbúnað sem auðveldar tölvupóst svörun með hjálp gervigreindar sem að lærir inn á stíl hvers og eins. Lausnin miðar að því að stytta tíma sem að fer í tölvupóst svörun, tryggir tímanleg svör og bætir starfsánægju.

The Gyna-app

The Gyna-app er heildrænt smáforrit sérsniðið að heilsu kvenna, sem aðstoðar konur að halda utan um þá þætti sem hafa áhrif á heilsu þeirra til framtíðar, með því markmiði að valdefla konur til að taka ábyrgð á eigin heilsu og fá þá heilbrigðisþjónustu sem þær eiga skilið.

VibEvent

VibEvent sameinar alla þátttakendur tónlistarviðburða á samfélagsdrifnum vettvangi sem tengir tónlistarfólk, áheyrendur og skipuleggjendur. Með öflugum markaðstólum, innsýn í áheyrendagögn og nýstárlegum tekjuleiðum, styður VibEvent við sjálfstætt og upprennandi tónlistarfólk og eykur sjálfbærni tónlistarsenunnar.