Fótbolti

Willum Þór skoraði og lagði upp

Hjörvar Ólafsson skrifar
Willum Þór Willumsson með boltann í leiknum í kvöld. 
Willum Þór Willumsson með boltann í leiknum í kvöld.  Vísir/Getty

Willum Þór Willumsson lagði þung lóð á vogarskálina þegar lið hans Go Ahead Eagles vann sannfærandi 4-0 sigur í leik sínum við Heracles í hollensku efstu deildinni í fótbolta karla í dag. 

Willum Þór kom Go Ahead Eagles á bragðið með marki sínu eftir tæplega stundarfjórðungs leik. Þá lagði Willum Þór upp mark Bas Edo Kuipers sem innsiglaði sigur Go Ahead Eagles. 

Þetta er annað mark Willums Þórs í deildinni á nýhafinni leiktíð en hann hefur verið í byrjunarliði Go Ahead Eagles í fyrstu átta deildarleikjum liðsins.

Go Ahead Eagles komst upp í fimmta sæti deildarinnar með þessum sigri en liðið hefur 13 stig eftir fyrstu átta leiki sína. Svo virðist sem liðið verði í baráttunni um að komast í umspil um sæti í Evrópukeppni á næsta tímabili á þessari leiktíð. 

Hollenski boltinn

Mest lesið


Fleiri fréttir

Sjá meira


×

Mest lesið