Körfubolti

Sara Rún öflug í sigri Faenza

Runólfur Trausti Þórhallsson skrifar
Sara Rún Hinriksdóttir í leik með íslenska landsliðinu.
Sara Rún Hinriksdóttir í leik með íslenska landsliðinu. Vísir/Hulda Margrét

Faenza vann sex stiga sigur á Lucca í ítölsku úrvalsdeildinni í körfubolta í kvöld. Landsliðskonan Sara Rún Hinriksdóttir lét að sér kveða í liði Faenza.

Leikurinn var vægast sagt kaflaskiptur en Faenza var með öll völd á vellinum í fyrri hálfleik. Þriðji leikhluti var hins vegar eign gestanna og því var sigurinn ekki jafn öruggur og í stefndi, lokatölur 72-66.

Sara Rún skoraði 13 stig, gaf 4 stoðsendingar og tók 4 fráköst.

Faenza er sem stendur í 10. sæti með 4 sigurleiki að loknum 13 leikjum. Alls eru 14 lið í deildinni, efstu átta fara í úrslitakeppni, neðsta fellur og liðin í sæti 10. til 13. fara í umspil um að halda sæti sínu í deildinni.

Körfubolti

Mest lesið


Fleiri fréttir

Sjá meira


×

Mest lesið