Bein út­sending: „Er leikur að læra?“ – um tengsl kvíða og lestra­r­örðug­leika í grunn­skólum

Í tilkynningu segir að á vefstefnunni, sem sé um tuttugu mínútur, verði kynntar niðurstöður rannsóknar sem Félagsvísindastofnun Háskóla Íslands hafi unnið fyrir Félag lesblindra á Íslandi, þar sem sjónum sé beint að tengslum lesblindu og kvíða. 

„Þetta er viðamikil könnun á námi, líðan og fleiru meðal ellefu þúsund nemenda á unglingastigi í grunnskólum landsins.

Leitað er svara við því hvort og hvernig lesblinda eða lestrarörðugleikar ungmenna hafi áhrif á frammistöðu í námi. Hefur það áhrif á sjálfsmat og sjálfsöryggi þeirra? Finna þau sem eiga við lestrarörðugleika að stríða frekar fyrir andlegri vanlíðan og kvíða, heldur en jafnaldrar þeirra?

Hægt er að fylgjast með fundinum í spilaranum að neðan. 

Á vefstefnunni koma fram:

• Snævar Ívarsson framkvæmdastjóri Félags lesblindra á Íslandi;
• Guðbjörg Andrea Jónsdóttir, forstöðumaður Félagsvísindastofnun Háskóla Íslands;
• Ásdís Aðalbjörg Arnalds verkefnastjóri hjá Félagsvísindastofnun Háskóla Íslands;
• Þórhildur Halldórsdóttir, lektor við Háskólann í Reykjavík;
• Guðmundur Johnsen, formaður Félags lesblindra á Íslandi.
• Kynnir er Davíð Stefánsson.