Fótbolti

Spilaði þrjátíu mínútur og skoraði þrennu á þrettán mínútum

Arnar Geir Halldórsson skrifar
Albert fagnar einu þriggja marka sinna í kvöld.
Albert fagnar einu þriggja marka sinna í kvöld. vísir/Getty

Albert Guðmundsson hóf leik á varamannabekk AZ Alkmaar þegar liðið tók á móti Willem II í hollensku úrvalsdeildinni í fótbolta í kvöld.

Alberti var skipt inn á eftir klukkutíma leik en þá var staðan jöfn, 1-1.

Á 76.mínútu hóf Albert að gera út um leikinn en hann skoraði með marki úr vítaspyrnu. Tíu mínútum síðar gerði Albert annað mark sitt og kom AZ í 3-1.

Hann var ekki hættur því hann fullkomnaði þrennu sína með marki á 89.mínútu og tryggði AZ Alkmaar 4-1 sigur.

Mögnuð innkoma hjá Alberti sem hefur mátt þola töluverða bekkjarsetu í vetur en hann er á síðasta ári samnings síns við hollenska félagið.

Hollenski boltinn

Mest lesið


Fleiri fréttir

Sjá meira


×

Mest lesið