Ronaldo á förum frá lands­liðinu

Spænski miðillinn Marca greinir frá því að Ronaldo sé á leið frá Danmörku þar sem Portúgal átti að mæta danska landsliðinu í A-deild Þjóðadeildarinnar. Ronaldo hefur ekki verið sáttur með krísufundinn sem hann var á með Jorge Jesus, landsliðsþjálfara Portúgals, en hann sagði að ekkert vandamál væri hjá leikmanninum. Það hringdi viðvörunarbjöllum þegar Pedro Proenca, forseti portúgalska knattspyrnusambandsins, sat fundinn einnig.

Fyrr í dag sagði Jesus að Ronaldo myndi æfa í dag en svo virðist ekki þar sem hann sást fara frá hóteli liðsins í svarta bifreið sem ók honum upp á flugvöll.

Ronaldo fór ekki á æfingu með þeim leikmönnum sem voru á bekknum gegn Noregi heldur fór hann frekar í ræktina og tók æfingu sjálfur. Samkvæmt portúgölskum miðlum hefur hann ekki verið sáttur við að hafa setið á bekknum allan leikinn gegn Noregi. Þetta er í fyrsta sinn í 18 ár sem hann kemur ekki við sögu í leik portúgalska landsliðsins.