Ó­væntar vendingar á elleftu stundu hjá Elísu í einu sterkasta hlaupi í heimi

Hlaupið er það stærsta í utanvegahlaupasenunni á heimsvísu og þær bestu í heimi, þar á meðal Elísa sem hefur átt góðu gengi að fagna á árinu, mættu til leiks í morgun. 

Hlaupið er í námunda við Mont Blanc og telur Elísa að undirlag brautarinnar og leiðin sem hlaupin er, henti sér mjög vel. 

Hæst er hlaupið upp í 2500 metra hæð og þá mun reyna á hlaupadrottninguna í niðurhlaupi, sem vart er hægt að efa hér á landi. Lengsti niðurkafli brautarinnar telur heila nítján kílómetra. 

Það var Sonja Sif, aðstoðarkona Elísu, sem greindi frá lengingu hlaupsins á samfélagsmiðlinum Instagram. Með því að bæta við þessum sjö kílómetrum aukast líka hæðarmetrar hlaupsins um 400 metra.

Þetta gerir það að verkum að markmið Elísu, um að klára hlaupið á um tólf klukkutímum, mun ekki nást. 

Hægt er að fylgjast með beinni útsendingu frá hlaupinu á YouTube.

Þá má nálgast alla tölfræði, millitíma og stöðu keppenda hér á heimasíðu hlaupsins. 

Stöðuna hjá Elísu má sjá hér.