Jón Daði kvaddi á sama degi og Viðar skoraði fimm

Á sama degi og tilkynnt var um að knattspyrnudeild Selfoss og Jón Daði Böðvarsson hefðu komist að samkomulagi um að rifta samningi sín á milli þá fór Viðar Örn Kjartansson á kostum í stórsigri í 2. deildinni.

Í tilkynningu á miðlum Selfyssinga kemur fram að riftun samningsins við Jón Daða sé gerð í fullri sátt og með gagnkvæma virðingu að leiðarljósi. Það var því enginn Jón Daði í leik á móti Fjölnismönnum en það kom ekki að sök því Selfossliðið vann leikinn 6-2.

Maður dagsins var Viðar Örn Kjartansson sem skoraði fimm markanna, þrennur í fyrri hálfleik og svo tvö til viðbótar í þeim síðari. Ívan Breki Sigurðsson skoraði sjötta mark Selfossliðsins en mörk Viðars komu á 31., 32., 42., 58. og 74. mínútu.

Selfoss er í öðru sæti deildarinnar, sex stigum á eftir toppliði Hauka en þremur stigum á undan Kára sem er í þriðja sætinu.

Viðar Örn er aftur á móti langefstur á markalistanum en hann er kominn með 19 mörk í 15 leikjum og hefur skoraði fimm mörkum meira en næsti maður.

Hér fyrir neðan má sjá mörk Viðars úr leiknum í dag.