Gæslu­varð­hald fram­lengt í Straumsvíkurmálinu

Þetta staðfestir Ævar Pálmi Pálmason, aðstoðaryfirlögregluþjónn hjá rannsóknardeild lögreglu, í samtali við fréttastofu Rúv.

106 kíló af kókaíni fundust í sjókistu undir álflutningaskipinu Koznitza í Straumsvík. Um er að ræða mesta magn kókaíns sem fundist hefur í einni og sömu sendingunni í Íslandssögunni. 

Enginn hinna grunuðu er skipverji Koznitza og hefur skipið haldið á önnur mið.

Sakborningarnir eru allir karlmenn á þrítugs-, fertugs- og fimmtugsaldri og eru þrír þeirra Íslendingar. Þegar hefur verið greint frá því að meðal sakborninga eru Lárus Freyr Einarsson, sem var sakfelldur fyrir manndráp í Danmörku árið 2011, og Lúther Ólason, sem hlaut dóm fyrir skattsvik fyrir tveimur árum.