Íranir skjóta á Ísrael

Frá þessu greinir Times of Israel en Ísraelsher greindi einnig frá þessu í yfirlýsingu um klukkan 19 að íslenskum tíma. 

Fyrr í dag hafði ísraelski herinn sagst vera að búa sig undir eldflaugaárás frá Íran á komandi klukkustundum, í kjölfar árásar sem Ísraelsmenn höfðu gert í líbönsku höfuðborginni Beirút fyrr í dag.

Times of Israel skrifa nú að loftvarnarsírenur ómi víða um Ísrael. Þar er haft eftir hernum að loftvarnarkerfið hafi skotið niður tvær eldflaugar og að engar fregnir hafi borist af mannsfalli eða áverkum á fólki vegna árásanna. 

Þetta er fyrsta árás Írana á Ísrael frá því að vopnahlé tók gildi 8. apríl. 

Ísraelsmenn heita hefndum.

„Í kvöld mun Teheran brenna,“ skrifar Ben-Gvir, þjóðaröryggisráðherra Ísraels, á X og vísar þar til höfuðborgar Írans.

Á miðvikudag höfðu borist af því fréttir að stjórnvöld í Ísrael og Líbanon hefðu samþykkt að koma á vopnahléi í nokkrum viðræðulotum. Samkvæmt fyrsta samkomulagi þurfti Hezbollah, sem stýrir stórum hluta Suður-Líbanons, að hætta öllum árásum á Ísrael og flytja alla liðsmenn sína frá suðurhluta Líbanons. Þessu höfnuðu Hezbollah.

Fréttin verður uppfærð.