Olga dæmd í tveggja leikja bann fyrir „ofsa­fengna fram­komu“

Atvikið fór fram hjá dómaraþríeykinu í umræddum leik og var því ekki dæmt brot né fóru spjöld á loft eftir athæfi Olgu. 

Myndbandsupptökur sýna þá glögglega vítaverða hegðun Olgu og á fundi aga- og úrsurðarnefndar KSÍ var tekið fyrir erindi frá málskotsnefnd sambandsins varðandi hana.

Að mati nefndarinnar sést greinilega á myndböndum sem liggja fyrir þegar leikmaður ÍBV, Olga Sevcova, rekur olnboga í andlit leikmanns FH þegar boltinn er fjarri.

„Að mati aga- og úrskurðarnefndar er um að ræða alvarlegt agabrot sem felur í sér ofsafengna framkomu og varði viðurlögum samkvæmt 13. gr. reglugerðar KSÍ um aga- og úrskurðarmál. Aga- og úrskurðarnefnd lítur á sem svo að um sé að ræða háttsemi sem geti verið hættuleg. Með vísan til alls framangreinds er það mat aga- og úrskurðarnefndar að leikmaðurinn skuli sæta tveggja leikja banni í Íslandsmóti vegna háttsemi sinnar.“

Atvikið og umræðu í Bestu mörkunum á Sýn Sport Ísland um það má sjá í spilaranum hér fyrir ofan og úrskurð aga-og úrskurðarnefndar má lesa í heild sinni hér.