„Þetta úrslitaeinvígi braut mig“

Valskonur urðu Íslandsmeistarar eftir 3-1 sigur gegn ÍBV. Titillinn var tryggður í seinni leiknum í Vestmannaeyjum en í fyrri leik liðanna í Eyjum varð Hafdís fyrir fordómum vegna kynhneigðar hennar.

Viðkomandi áhorfandi var settur í bann og ÍBV var sektað.

Það mátti sjá að það tók á Hafdísi að spila seinni leikinn í Vestmannaeyjum eftir það sem á undan hafði gengið. Hún mætti hins vegar sterk til leiks og varði virkilega vel, 11 skot samtals sem áttu stóran þátt í að tryggja Valskonum titilinn.

Landsliðsmarkvörðurinn hefur nú opnað sig um tilfinningarnar sem fylgdu því að verða fyrir fordómum vegna kynhneigðar. Hún segir þetta úrslitaeinvígi hafa brotið hana.

„Hinsegin fólk verður fyrir aðkasti á hverjum degi og ég er hvorki sú fyrsta né síðasta sem upplifir það.

Þetta úrslitaeinvígi braut mig. Ég mætti samt.

Íslandsmeistarar 2026,“ skrifar Hafdís á Instagram.