Loka­tölur í Suður­nesja­bæ: Sam­fylkingin stærst

Lokatölur í Suðurnesjabæ eru komnar í hús. Á kjörskrá eru 3.152 en 2.002 greiddu atkvæði. Níu bæjarfulltrúar eiga sæti í bæjarstjórn.

Samfylkingin hlýtur þrjá sveitarstjórnarfulltrúa í Suðurnesjabæ með 34 prósent atkvæða.

Þar á eftir kemur Sjálfstæðisflokkur með 25,4 prósent atkvæða, Framsókn með 22,5 prósent, og Miðflokkur fær 18 prósent. Þeir fá því allir tvo fulltrúa hver um sig.

Samfylking og Framsókn eru í meirihlutasamstarfi í sveitarfélaginu, sem heldur samkvæmt þessum tölum.

Magnús Stefánsson er bæjarstjóri Suðurnesjabæjar, en í sveitarfélaginu er að finna Sandgerði og Garð.

Þeir flokkar sem nú eru í framboði til sveitarstjórnar Suðurnesjabæjar eru:

• B listi - Framsókn og óháðir
• D listi - D-listinn og óháðir
• M listi - Miðflokkurinn
• S listi - Samfylkingin og óháðir

Tölur má sjá hér:

Eftir sveitarstjórnarkosningarnar 2022 var myndaður meirihluti Framsóknar og Sjálfstæðisflokks en á miðju kjörtímabili sprakk samstarfið og var í kjölfarið myndaður meirihluti Sjálfstæðisflokks, Samfylkingarinnar og Bæjarlistans.

Eftirfarandi náðu kjöri:

• Anton Kristinn Guðmundsson (B)
• Magnús Sigfús Magnússon (B)
• Haukur Andreasson (D)
• Haraldur Helgason (D)
• Daði Bergþórsson (M)
• Sigrún Harpa Sigurjónsd. Heide (M)
• Svavar Grétarsson (S)
• Bergný Jóna Sævarsdóttir (S)
• Egill Rúnar Sigurðsson (S)