Hormússund sagt lokað á ný

AP-fréttaveitan greinir frá þessu. Bandaríkin og Íran voru í gær sögð hafa komist að samkomulagi um tveggja vikna vopnahlé og að opna fyrir skipaumferð um sundið. Forsætisráðherra Ísrael gaf í kjölfarið út að vopnahléið næði ekki til átaka þess við Hezbollah í Líbanon.

Ísraelsher gerði árásir á nokkur verslunar- og íbúðahverfi í miðborg Beirút í gær, nokkrum klukkustundum eftir að tilkynnt var um áðurnefnt vopnahlé. Yfirvöld í Líbanon segja að minnst 112 manns hefðu fallið og hundruð særst sem gerir þetta einn mannskæðasta daginn í stríði Ísraels og Hezbollah til þessa.

Fréttin er í vinnslu og verður uppfærð.