Fyrsta konan fékk styttu sem hún gerði sjálf

Það besta við styttuna er að hún mótaði hana sjálf.

Bronsstyttan er í fullri stærð og er staðsett innan við hundrað metra frá ráslínunni þar sem Gibb faldi sig í runnum áður en hún laumaði sér inn í hlaupið árið 1966 sem var þá eingöngu í boði fyrir karla.

Þetta er fyrsta styttan af konu meðfram Boston-maraþonleiðinni og bætist við nokkur önnur verk sem heiðra goðsagnir hlaupsins.

Málari og myndhöggvari

Gibb er málari og myndhöggvari en hún segir að 26.2 Foundation hafi haft samband við hana með hugmyndina. „Það var svolítið skrítið, þú veist, að horfa á hendurnar á mér og fæturna og fótleggina og gera skúlptúr af sjálfri mér en ég gerði það,“ sagði Gibb í viðtali við WBUR-sjónvarpsstöðina.

‚Nei, vinsamlegast, þið ættuð ekki að gera skúlptúr um mig; það ætti að gera skúlptúr til að heiðra Bobbi Gibb,“ rifjaði Tim Kilduff, forseti samtakanna, upp þegar átti að fara að gera styttu af honum.

Gibb sagði að það hafi tekið mánuði að móta og steypa styttuna, sem byggir á mynd af henni hlaupandi niður Boylston Street. Hún var fyrst afhjúpuð árið 2021 en Kilduff sagði að leyfisveitingar og fjáröflun hafi bætt nokkrum árum við ferlið.

Þegar einhver hleypur framhjá

„Von okkar er að þegar einhver hleypur framhjá eða tekur sér smá stund til að standa og virða fyrir sér fái hann tilfinningu fyrir sögulegu eðli Boston-maraþonsins – og einnig framlagi Bobbis til maraþonhlaupa og sérstaklega til kvenna sem hlaupa maraþon,“ sagði Kilduff.

Gibb lauk maraþoninu árið 1966 á þremur klukkustundum og 21 mínútu og var á undan tveimur þriðju hlauparanna. Í viðtali sínu við WBUR rifjaði hún upp að hafa fengið bréf frá þáverandi stjórnanda maraþonsins, Will Cloney, þar sem umsókn hennar um þátttöku var hafnað.

Áttu eitthvað eftir ólært

Að sögn Gibb skrifaði Cloney að konur væru ekki lífeðlisfræðilega færar um að hlaupa 42 kílómetra. Gibb var þegar farin að hlaupa allt að 64 kílómetra í einu og sagði við sjálfa sig: „Ég býst við að þeir hafi átt eitthvað eftir ólært.“