Breiðholts­braut lokað vegna um­ferðaróhapps

Á umferðarvef Vegagerðarinnar er greint frá því að Breiðholtsbraut hafi verið lokað við Jaðarsel vegna umferðaróhapps. Veginum var lokað um klukkan 15.

Að sögn Harðar Lilliendahlm, varðstjóra hjá umferðardeild lögreglu, var einum bíl ekið upp á kant og hann fests. Búið sé að koma bílnum af vettvangi en verktakar vinni nú að því að moka veginn áður en hann verður opnaður á ný. 

Stefán Kristinsson, varðstjóri slökkviliðsins, segir að slökkviliðið hafi ekki sent sjúkraflutningabíla á vettvang.

Slökkvilið sagði einnig að nokkurra bíla árekstur hefði orðið Vesturlandsvegi í átt að Mosfellsbæ, en umferðardeildin vildi ekki kannast við það.

Fréttin hefur verið uppfærð.