Innlent

Þór leiðir aftur á Sel­tjarnar­nesi

Lovísa Arnardóttir skrifar
Þór Sigurgeirsson er bæjarstjóri á Seltjarnarnesi.
Þór Sigurgeirsson er bæjarstjóri á Seltjarnarnesi. Vísir/Vilhelm

Þór Sigurgeirsson var í dag endurkjörinn oddviti D-lista Sjálfstæðisflokksins á Seltjarnarnesi. Í tilkynningu kemur fram að Þór hlaut alls 566 atkvæði í 1. sæti eða 73,8 prósent atkvæða. Þór hefur verið oddviti D-listans síðan 2022.

Í prófkjörinu var kosið um fimm efstu sæti framboðslistans.

Í öðru sæti var Elísabet Ingunn Einarsdóttir með 293 atkvæði í 1. – 2. sæti eða 31.2 prósent atkvæða. Í þriðja sæti Svana Helen Björnsdóttir með 276 atkvæði í 1. - 3. sæti eða 40.8 prósent atkvæða.

Í fjórða sæti Magnús Benediktsson með 395 atkvæði í 1. – 4. sæti eða 51,5 prósent atkvæða. Í fimmta sæti Björn Jóhannesson með 473 atkvæði í 1.-5. sæti eða 61,6 prósent atkvæða .

Alls voru 792 atkvæði greidd í prófkjörinu, þar af voru auðir og ógildir seðlar 25 talsins. Kjörsókn var 58,3 prósent.

Sjálfstæðisflokkurinn Seltjarnarnes Sveitarstjórnarkosningar 2026

Mest lesið


Fleiri fréttir

Sjá meira


×

Mest lesið