Þriðji fram­kvæmda­stjórinn frá valda­töku Guð­rúnar ráðinn

Þetta var niðurstaða fundar miðstjórnar flokksins í hádeginu, að því er heimildir Vísis herma. Morgunblaðið greindi fyrst frá.

Vísir hefur ekki náð í Björgu Ástu við vinnslu fréttarinnar en Morgunblaðið greinir frá því að hún stefni á framboð í sveitarstjórnarkosningunum í vor í Vogum. 

Hún tók við störfum í Valhöll þann 4. apríl síðastliðinn og í fréttatilkynningu þess efnis á sínum tíma sagði að hún væri lögfræðingur með víðtæka reynslu af lögfræðistörfum, meðal annars sem yfirlögfræðingur Samtaka iðnaðarins, lögfræðingur hjá Félagi atvinnurekenda og fulltrúi hjá Málflutningsstofu Reykjavíkur. Hún hefði einnig starfað hjá lögreglunni á Suðurnesjum og síðast sem aðstoðarmaður dómsmálaráðherra, sem var þá Guðrún Hafsteinsdóttir.

Hún tók við af Þórði Þórarinssyni sem hafði gengt stöðu framkvæmdastjóra í ellefu ár.

Tryggvi Másson var framkvæmdastjóri þingflokks Sjálfstæðisflokksins á árunum 2022 til 2024 en hann kemur til flokksins frá Samtökum fyrirtækja í sjávarútvegi. Hann er varaþingmaður flokksins í Reykjavíkurkjördæmi norður.