Ó­ljóst hvað olli því að rútan hafnaði utan vegar

Frá þessu er greint í tilkynningu frá Landsbjörgu. Engin slys urðu á fólki en 45 farþegar voru um borð. Björgunarsveitin fór á vettvang á eigin tækjum auk þess að útvega stærri fólksflutningabíl til að ferja farþega rútunnar frá vettvangi. 

Ekki er ljóst hvað olli því að rútan hafnaði utan vegarins. 

Í tilkynningunni segir að ferðamennirnir hafi verið ferjaðir í félagsheimilið Tjarnarlund í Saurbæ þaðan sem önnur rúta frá rútufyrirtækinu skutlaði hópnum á áfangastað.