Eldur logar á Siglu­firði

Fjölmiðilinn Héðinsfjörður.is greinir frá og segir að eldur sé í þaki hússins við Óskarsgötu 7 sem er við höfnina á Siglufirði. Húsið hýsir starfsemi fyrirtækisins Primex. Allt tiltækt slökkvilið í Fjallabyggð er á staðnum.

„Slökkvistarf er í gangi, það tekur einhvern tíma að klára það,“ segir Jón Ingi Sveinbjörnsson, varðstjóri hjá lögreglunni á Norðurlandi eystra.

„Þetta er hátt húsnæði og það getur verið erfitt að ná í þetta.“

Jón Ingi segir að eldurinn kviknaði um átta leytið en ekki er talið að neinn sé slasaður nér í hættu.

Hilmar Daníel Valgeirsson, íbúi á Siglufirði og sjónarvottur, segir að mikill eldur sé í húsinu sem hefur dreift sér um þakið. 

Fréttin verður uppfærð.