McIl­roy tók heim með sér ellefu hundruð smáfána af Mastersmótinu

McIlroy er aðeins einn af sex kylfingum sem hefur tekist að vinna öll fjögur risamótin í golfinu.

Hann tók ekki aðeins bikarinn, græna jakkann og verðlaunaféð með sér heim.

McIlroy sagði frá því að hann hafði keypt ellefu hundruð Mastersmóts smáfána í verslun mótsins og tekið þau með sér heim frá Augusta National.

„Við tókum með okkur alla ellefu hundruð smáfánana sem voru eftir,“ sagði Rory McIlroy sem tryggði sér sigurinn á Mastersmótinu 11. apríl síðastliðinn.

McIlroy hefur haft nóg að gera í að árita alla þessa litlu Mastersfána.

„Það hefur verið nóg að gera í því en ég verð aldrei leiður á því að árita þá. Ég beið í sautján ár eftir því að skrifa í miðjuna á svona fána og ég ætla því aldrei að kvarta þegar ég er beðin um slíkt,“ sagði McIlroy. Smáfánarnir eru notaðir á stangirnar á flötunum en á þeim er merki Mastersmótsins.

Kylfingar eru alltaf að árita þessa smáfána fyrir áhugafólk en það er aftur á móti óskráð regla í golfheiminum að aðeins Mastersmeistarinn megi árita fánann innan útlína Bandaríkjanna á þessu frægasta merki golfíþróttarinnar.