Icewear verður einn af aðalstyrktaraðilum Íslandsmótsins í golfi 2025

Icewear 2. júlí 2025 15:43

Icewear er einn af aðal styrktaraðilum Íslandsmótsins í golfi 2025, sem haldið verður á Hvaleyrarvelli í Hafnarfirði í ágúst næstkomandi. Mótið er eitt það stærsta og virtasta í íslensku golfíþróttinni og er haldið af Golfklúbbnum Keili í samstarfi við Golfsamband Íslands.

Icewear er stolt af því að tilkynna að fyrirtækið verður einn af aðal styrktaraðilum Íslandsmótsins í golfi 2025, sem haldið verður á Hvaleyrarvelli í Hafnarfirði í ágúst næstkomandi. Mótið er eitt það stærsta og virtasta í íslensku golfíþróttinni og er haldið af Golfklúbbnum Keili í samstarfi við Golfsamband Íslands.

„Sem íslenskt fyrirtæki með djúpar rætur í útivist, náttúru og hreyfingu, finnst okkur eðlilegt að styðja við viðburði sem hvetja til heilbrigðs lífsstíls og tengingar við náttúruna,“ segir Heiðar Þór Aðalsteinsson, framkvæmdastjóri Icewear sem segir golfíþróttina endurspegla mörg af þeim gildum sem Icewear leggur áherslu á: útivist, hreyfingu, virðingu fyrir umhverfinu – og gleðina sem fylgir því að vera úti við íslenskar aðstæður.

„Það er okkur mikil ánægja að styðja við Íslandsmótið í golfi og taka þátt í að skapa veglegan viðburð fyrir kylfinga og áhorfendur. Við hjá Icewear höfum alltaf lagt áherslu á að styðja við íslenskt samfélag og hvetja fólk til útivistar. Golfíþróttin fellur vel að okkar gildum og við hlökkum til að taka þátt í þessu einstaka móti,“ bætir Heiðar Þór við.

Icewear hlakkar til að vera hluti af þessu glæsilega móti og styðja við það frábæra íþróttafólk sem munu keppa um Íslandsmeistaratitilinn. „Það verður sannkölluð veisla fyrir keppendur, áhorfendur og alla unnendur golfíþróttarinnar – og við erum spennt að taka þátt í því með ykkur.“

Heilsa Golf Íslandsmótið í golfi