Kalla inn geisla­virka lím­miða

Límmiðarnir bera nafnið Quantum Shield-Nanitechnology og eru framleiddir af Fan Yun Craft Electronics Co í Kína.

„Varan inniheldur geislavirkt efni í litlu magni og ef límmiðarnir eru upp við húð valda þeir óþarfa geislun á fólk. Geislun frá geislavirkum efnum getur valdið skaða á fólki og aukið líkur á krabbameini,“ segir í tilkynningunni frá Geislavörnum ríkisins.

Einungis þrjátíu stykki voru flutt til landsins voru til sölu í versluninni JK vörur á tímabilinu júlí til desember árið 2023. Límmiðarnir eru einnig til sölu á AliExpress og voru áður til sölu hjá Temu.

Í tilkynningu frá upplýsingafulltrúa Temu segir að fyrirtækið hafi hætt að selja límmiðana á síðasta ári.

„Geislavarnir ríkisins ráðleggja þeim sem eiga þessar vöru að hætta að nota þær og koma með vöruna til Geislavarna ríkisins að Rauðarárstíg 10, 4. hæð. Ekki má farga vörunni eftir venjulegum leiðum með heimilissorpi.“