Enski boltinn

Arsenal í við­ræðum við Leipzig vegna Šeško

Runólfur Trausti Þórhallsson skrifar
Benjamin Šeško gæti verið framherjinn sem Arsenal vantar.
Benjamin Šeško gæti verið framherjinn sem Arsenal vantar. EPA-EFE/Filip Singer

Sky Sports í Þýskalandi greinir frá því að Arsenal, silfurlið ensku úrvalsdeildarinnar, hafi hafið viðræður við RB Leipzig um kaup á framherjanum Benjamin Šeško. Sá er talinn með efnilegri framherjum Evrópu í dag.

Þessi 22 ára gamli Slóveni spilar í dag með Leipzig í Þýskalandi en lék áður með systurfélaginu í Salzburg. Áður en hann gekk í raðir Leipzig árið 2023 var framherjinn orðaður við fjölda stórliða, þar á meðal Manchester United.

Nú virðist sem hann gæti verið á leið til Lundúna en Skyttunum hans Mikel Arteta sárvantar framherja ætli liðið sér að berjast um titla á næstu leiktíð.

Šeško er enginn snjótittlingur og ætti að geta hjálpað Arsenal á báðum endum vallarins verandi 1.95 metri á hæð. Frá því hann gekk í raðir Leipzig hefur hann skorað 39 mörk í 87 leikjum ásamt því að gefa 8 stoðsendingar. Þá hefur hann skorað 16 mörk í 41 A-landsleik fyrir Slóveníu.

Fótbolti Enski boltinn

Mest lesið


Fleiri fréttir

Sjá meira


×

Mest lesið