Þeim fjölgar sem ná ekki lestrarviðmiðum í 1. bekk

Þetta segir Auður Björgvinsdóttir, læsisfræðingur og aðjunkt við Háskóla Íslands, í samtali við Morgunblaðið. Hún segir samræmt mat í skólum nauðsynlega forsendu þess að hægt sé að axla ábyrgð á útkomu kennslu.

Samkvæmt umfjöllun blaðsins veit hluti nemenda sem er að ljúka 1. bekk ekki enn hvernig allir bókstafir starfrófsins hljóma.

Þá er miðað við að í lok 1. bekkjar geti helmingur nemenda lesið rétt 55 orð á mínútu en samkvæmt gögnum náðu aðeins 31 prósent barna því markmiði í vor. Þeim fjölgar sem nær þessu ekki.

„Og það er ekk­ert verið að tala um þetta. Það er bara verið að tala um hvort við eig­um að vera með sam­ræmd könn­un­ar­próf eða hvernig niður­stöðum PISA-kann­an­ir skila,“ seg­ir Auður.

Auður gagnrýnir meðal annars að fyrsta lesfimiprófið sé ekki lagt fyrir fyrr en þegar 1. bekkur sé hálfnaður. „Hvernig ætl­um við að bregðast við ef barn les sex orð á mín­útu? Það er al­veg aug­ljóst að það vant­ar grunn þarna,“ segir hún.

Lestrarhæfni í fyrstu bekkjum sem forsenda þess að börn geti lesið flóknari texta síðar.

„Og með því að passa ekki upp á það að börn­in nái í raun til­skil­inni lestr­ar­færni og þjálf­un, í textum sem þyngj­ast og þyngj­ast, þá hef­urðu af þeim tæki­færið til að ráða við þessi verk­efni.“