Viðskipti innlent

Mikil fjölgun tengifarþega en mun færri ferðast til Ís­lands

Jón Ísak Ragnarsson skrifar
Bogi segir að Icelandair hafi enn sem fyrr nýtt sér sveiganleikann í leiðakerfinu og lagt aukna áherslu á tengifarþega.
Bogi segir að Icelandair hafi enn sem fyrr nýtt sér sveiganleikann í leiðakerfinu og lagt aukna áherslu á tengifarþega. Vísir/Sigurjón

Icelandair flutti 514 þúsund farþega í júní, 1 prósent færri en í júní í fyrra. Þar af voru 31 prósent á leið til Íslands, 15 prósent frá Íslandi, 49 prósent voru tengifarþegar og 4 prósent ferðuðust innanlands. Eftirtektarverð breyting hefur orðið í skiptingu á milli markaða en tengifarþegum fjölgaði um 15 prósent í júní á meðan farþegum til landsins hefur fækkað á milli ára.

Þetta kemur fram í tilkynningu frá Icelandair. Sætanýting í júní var 83 prósent og stundvísi var 85,2 prósent, 14,5 prósentustigum meiri en í fyrra.

Hafa nýtt sveigjanleikann í leiðakerfinu

Icelandair hefur það sem af er ári flutt tvær milljónir farþega, 7 prósent fleiri en á sama tímabili í fyrra. Mikil fjölgun hefur verið í tengifarþegum, en farþegum til landsins hefur fækkað.

Bogi Nils Bogason, forstjóri Icelandair, segir að nú sem fyrr hafi félagið nýtt sveigjanleikann í leiðakerfinu og lagt aukna áherslu á tengifarþega. Um helmingur farþega félagsins í júní hafi verið tengifarþegar á leiðinni á milli Evrópu og Norður-Ameríku.

„Icelandair er lítið flugfélag í mikilli alþjóðlegri samkeppni á Norður-Atlantshafsmarkaðnum. Það var því áhugavert að sjá nýlega greiningu sem leiddi í ljós að við erum það flugfélag sem flýgur flestar ferðir yfir Atlantshafið á mjóþotum. Í þessu liggur einmitt eitt helsta samkeppnisforskot okkar,“ segir Bogi.

Icelandair Fréttir af flugi Ferðamennska á Íslandi


Mest lesið


Fleiri fréttir

Sjá meira


×

Mest lesið