Innlent

Fluttur á sjúkra­hús eftir á­rekstur nærri Hval­fjarðar­göngum

Kjartan Kjartansson skrifar
Umferð um Vesturlandsveg stöðvaðist um tíma vegna slyssins nú síðdegis.
Umferð um Vesturlandsveg stöðvaðist um tíma vegna slyssins nú síðdegis. Vísir

Einn var fluttur til skoðunar á sjúkrahúsi á Akranesi eftir árekstur tveggja fólksbíla á gatnamótum Vesturlandsvegar og Hvalfjarðarvegar nú síðdegis. Fimm manns voru í bílunum sem eru sagðir mikið skemmdir.

Tilkynning um áreksturinn barst viðbragðsaðilum klukkan 16:40. Sjúkrabílar frá Reykjavík og Akranesi voru sendir á staðinn ásamt einum dælubíl slökkviliðs. Nokkrar umferðartafir urðu á Vesturlandsvegi í norðurátt vegna slyssins.

Samkvæmt upplýsingum slökkviliðs höfuðborgarsvæðisins var aðeins einn þeirra fimm sem voru í bílunum fluttir til skoðunar á Heilbrigðisstofnun Vesturlands á Akranesi.

Samgönguslys Hvalfjarðargöng Hvalfjarðarsveit

Mest lesið


Fleiri fréttir

Sjá meira


×

Mest lesið