Lífið

Brauðtertuveisla í brauðtertusamkeppni á Sel­fossi

Magnús Hlynur Hreiðarsson skrifar
Tómas Þóroddsson og Silja Hrund með glæsilegar brauðtertur, sem taka þátt í samkeppni dagsins.
Tómas Þóroddsson og Silja Hrund með glæsilegar brauðtertur, sem taka þátt í samkeppni dagsins. Magnús Hlynur Hreiðarsson

Átta manns skiluðu inn nokkrum brauðtertum og ostakökum í morgun í brauðtertu og ostakökusamkeppni Kaffi Krúsar og Konungskaffi á Selfossi. Brauðtertan, sem vinnur fer í sölu í Konungskaffi í nýja miðbænum í sumar og ostkakan á Kaffi Krús við Austurveg.

„Þátttakan er ótrúlega flott og terturnar og kökurnar, maður minn, það verður mikið verk hjá fimm manna dómnefnd keppninnar að smakka á þessu öllu og finna út hvaða brauðterta og ostakaka á skilið að vinna í þessari samkeppni, sem er fyrst og fremst til gamans gerð“, segir Tómas Þóroddsson, veitingamaður og eigandi staðanna á Selfossi.

Aðstandendur samkeppninnar, frá vinstri, Ísak Tómasson, Tómas Þóroddsson, Silja Hrund Einarsdóttir, Elín Erika Kristjánsdóttir og Kristján Eldjárn Þóroddsson. Brauðterturnar og ostakökurnar eru til sýnis við Konungskaffi í miðbænum til klukkan 14:00 en eftir það kemur að störfum dómnefndar.Magnús Hlynur Hreiðarsson

Úrslit úr samkeppninni munu liggja fyrir síðdegis og verða þá gerð opinber.

Ein af keppnisbrauðtertunum.Magnús Hlynur Hreiðarsson
Árborg Veitingastaðir


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.