Eldur logar í Elliða­ár­dalnum

Enginn hefur búið í húsinu um nokkuð skeið en eldurinn er í þaki þess. Samkvæmt upplýsingum frá Slökkviliði höfuðborgarsvæðisins eru slökkviliðsmenn á tveimur dælubílum og einum tankbíl, þar sem engir brunahanar eru á svæðinu.

Eldurinn er ekki mikill en erfitt er fyrir slökkviliðsmenn að komast að honum.

Uppfært 23:20 - Þegar þetta er skrifað er slökkvistarf enn yfirstandandi en lítill eldur eftir. Áhöfn annars dælubílsins ku vera á leið í hús.

Uppfært 7:25: Slökkvistarfi lauk upp úr miðnætti. Samkvæmt upplýsingum frá slökkviliði tók nokkurn tíma að slökkva eldinn, enda mikill eldmatur á staðnum. 

Björn Steinbekk tók meðfylgjandi myndband af eldinum.