Nýju MIL­LET vörurnar hafa slegið í gegn

Margir eru þar í mikilli nostalgíu enda var að koma ný sending af MILLET dúnúlpum úr svokallaðri HERITAGE línu sem þýðir að þær eru í svipuðu útliti og fyrir um 30 árum þegar MILLET var upp á sitt besta hér á landi.

„Enginn var maður með mönnum á níunda áratug síðustu aldar nema að eiga MILLET úlpu,“ segir Þórdís Wathne sem er eigandi verslunarinnar. „Þegar fólk, sem var unglingar á þessum tíma, kemur í búðina okkar byrjar það yfirleitt á því að segja mér hvort það hafi átt MILLET úlpu eða ekki. Margir eru því annað hvort að endurnýja úlpuna sína eða láta langþráðan draum rætast um að eignast sína fyrstu MILLET úlpu. Það er líka skemmtilegt að sjá að unglingarnir eru farnir að streyma inn og fá sér úlpur, flíspeysur og hettupeysur frá MILLET enda eru flestir ánægðir með gæðin, verðið og útlitið.“

Krulluflísið er mjög vinsælt

Það eru ekki bara úlpur frá MILLET sem njóta vinsælda, flíspeysurnar hafa líka fengið góðar viðtökur. „Krulluflísið er mjög vinsælt hjá okkur en það flísefni er hlýtt, þykkt og „flöffí“ en andar samt vel. Krulluflísið er mjög vinsælt sem hálfgerður jakki og svo sem vesti. Við vorum að fá mikið af flottum litum núna í haust en þessar flíkur eru mjög vinsælar á meðal fullorðinna, unglinga og krakka. Stærðirnar eru alveg niður í XS svo krakkar niður í 10 ára hafa verið að koma til okkar.“

Meðal annarra helstu vetrarvara sem Hlaupár býður upp á nefnir Þórdís Trilogy úlpuna frá MILLET. „Við köllum hana svefnpokaúlpuna enda er hún svakalega hlý. Þetta er næsta úlpa við Everest úlpuna sem MILLET framleiðir en í henni toppa margir Everest farar tindinn fræga. Hún er með alveg sérstaklega „djúsí“ hettu og kraga. Þetta er geggjuð úlpa til að fara í út á köldum morgnum.“

Stöðugt rennsli af fólki allan daginn

Hlaupár er nýleg verslun en hún sérhæfir sig í fatnaði og búnaði fyrir hlaupara, göngufólk og annað útivistarfólk. „Við vorum áður í litlu rými í Rjúpnasölum í Kópavogi áður en við opnuðum í Fákafeni 11 fyrir rúmu ári síðan, þar sem Herrafataverslun Birgis var áður.“

Hún segir verslunina hafa gangið vel og stöðugt rennsli sé þar inn af fólki yfir daginn. „Það er líka gott aðgengi að búðinni og nóg af bílastæðum. MILLET vörumerkið er mjög vinsælt auk þess sem skórnir okkar eru líka mjög vinsælir. Hingað kemur fólk til að kaupa HOKA skó, bæði fyrir göngur og hlaup, enda eru þeir margrómaðir fyrir góða dempun og mýkt. Eins eru ON skórnir mjög vinsælir og svo skórnir Brooks, Scarpa, og ASICS.“

Nánari upplýsingar á hlaupar.is.