Lífið

Í koss­af­lensi einu og hálfu ári eftir sam­bands­slitin

Máni Snær Þorláksson skrifar
Camila Cabello og Shawn Mendes á tónleikum um haustið árið 2021. Tveimur mánuðum síðar hættu þau saman en nú virðist vera kviknað í ástarglæðunum að nýju.
Camila Cabello og Shawn Mendes á tónleikum um haustið árið 2021. Tveimur mánuðum síðar hættu þau saman en nú virðist vera kviknað í ástarglæðunum að nýju. Getty/Theo Wargo

Svo virðist vera sem ástin sé búin að kvikna aftur hjá tónlistarfólkinu Shawn Mendes og Camilla Cabello þar sem þau sáust kyssast á Coachella tónlistarhátíðinni í gær. Það vakti mikla athygli fólks sökum þess að Mendes og Cabello hættu saman fyrir um einu og hálfu ári síðan. 

Mendes og Cabello gáfu það út í yfirlýsingu í nóvember árið 2021 að þau væru hætt saman. „Við höfum ákveðið að binda enda á rómantíska sambandið okkar en ást okkar á hvoru öðru sem manneskjum er sterkari en nokkru sinni fyrr,“ sagði í upphafi yfirlýsingarinnar sem birt var á Instagram.

„Við hófum sambandið okkar sem bestu vinir og við munum halda áfram að vera bestu vinir. Við erum þakklát fyrir stuðninginn ykkar frá upphafi og í framtíðinni.“

Sambandsslitin komu aðdáendum þeirra nokkuð á óvart þar sem sést hafði til þeirra í kossaflensi í bandarísku borginni Miami fyrr í sama mánuði.

Nú kemur kossaflensið á Coachella aðdáendum þeirra aftur á óvart, sérstaklega í ljósi þess að Mendes hefur verið sagður vera að rugla saman reitum með Jocelyne Miranda, kírópraktornum sínum að undanförnu. Mendes og Miranda, sem er 51 árs gömul, sáust til að mynda grípa sér morgunmat saman í liðinni viku.

Hollywood Ástin og lífið


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.