Handbolti

Íslandsmeistararnir sækja liðsstyrk

Atli Arason skrifar
Tamara Jovicevic, nýjasti leikmaður Fram.
Tamara Jovicevic, nýjasti leikmaður Fram. Fram

Íslandsmeistarar Fram hafa sótt liðsstyrk í Tamara Joicevic, svartfellskri vinstri skyttu, sem mun leika með liðinu í komandi átökum í Olís-deild kvenna í vetur.

Joicevic er 24 ára gömul og kemur til Íslands frá Tékklandi en hún hefur einnig leikið í Svartfjallalandi, Frakklandi og á Spáni á sínum stutta ferli. Þá á Joicevic leiki með landsliði Svartfjallalands á EM og HM.

Í tilkynningu Framara er sagt að leikmaðurinn sé nú þegar kominn til landsins en bíði eftir því að fá tilsett réttindi frá útlendingastofnun til að fá að spila á Íslandi.

Næsti leikur Fram í Olís-deildinni er gegn HK í Úlfarsárdal a laugardaginn en óvíst er hvort Joicevic verði komin í leikmannahóp liðsins fyrir þann leik.

Olís-deild kvenna Fram

Mest lesið


Fleiri fréttir

Sjá meira


×

Mest lesið