Körfubolti

Fjölnir vann öruggan sigur á Keflavík

Arnar Geir Halldórsson skrifar
Á toppnum.
Á toppnum.

Fjölnir átti ekki í teljandi vandræðum með Keflavík þegar liðin mættust í Grafarvogi í Subway deildinni í körfubolta í kvöld.

Fjölniskonur tóku frumkvæðið snemma leiks og leiddu með tólf stigum í hálfleik, 43-31.

Þó Keflavíkurkonur hafi barist af krafti í síðari hálfleik héldu Fjölniskonur yfirhöndinni allan tímann og unnu að lokum öruggan sextán stiga sigur, 99-83.

Aliyah Mazyck var atkvæðamest í liði Fjölnis með 25 stig auk þess að taka níu fráköst og gefa átta stoðsendingar.

Í liði Keflavíkur var Daniella Morillo allt í öllu með 31 stig og tíu fráköst.

Með sigrinum styrkti Fjölnir stöðu sína í toppsæti deildarinnar.

Íslenski körfuboltinn Subway-deild kvenna Fjölnir Keflavík ÍF

Mest lesið


Fleiri fréttir

Sjá meira


×

Mest lesið