Bein útsending: Kvöldfréttir Stöðvar 2

Fjallað verður um málið í kvöldfréttum Stöðvar 2 þar sem rætt verður við Þórólf Guðnason, sóttvarnalækni, og Sigríði Á. Andersen, þingmanni Sjálfstæðisflokksins, sem greiddi atkvæði á móti frumvarpi heilbrigðisráðherra í nótt.

Þá hefur sóttvarnalæknir hefur áhyggjur af stöðu faraldursins eftir að átta greindust utan sóttkvíar innanlands í gær. Hann segir ljóst að kórónuveiran sé búin að dreifa sér víða.

Einnig verður rætt við framkvæmdastjóra Carbfix en fyrirtækið ætlar að reisa kolefnisförgunarmiðstöð í Straumsvík. Miðstöðin verður sú fyrsta sinnar tegundar og búist við miklum umsvifum. Reiknað er með að sex hundruð störf skapist og eru áætlanir eru uppi um að taka við og farga allt að þremur milljónum tonna af koltvísýringi frá Norður-Evrópu á ári.

Þá hittum við 13 ára fótboltasnilling sem hefur vakið mikla athygli fyrir kúnstir með boltann.

Þetta og margt fleira í kvöldfréttum á samtengdum stöðvum Stöðvar 2 og Bylgjunnar kl. 18:30.

Kvöldfréttirnar eru í lokaðri dagskrá en áskrifendur geta horft á þær hér á stod2.is. Einnig er hægt að hlusta á fréttirnar á Bylgjunni hér í spilaranum fyrir ofan.